A vicerreitoría de titulacións da Universidade de Santiago de Compostela, a través do proxecto Camiños de coñecemento e experiencia, convoca na Estrada un novo curso de formación universitaria para maiores de 50 anos.
Este ano, o curso estará ligado ao mundo do cine, á economía circular e aos diversos estilos educativos das familias. As clases, que se desenvolverán no MOME, comezarán o 10 de setembro e rematarán o 27 do mesmo mes. Estarán impartidas por profesorado universitario.
A inscrición poderá realizarse no departamento de Cultura do Concello da Estrada ou chamando ao teléfono 986573601. As prazas, que están limitadas, adxudicaranse por orde de inscrición.
