Quedan aínda prazas dispoñibles para asistir ao Espazo Concilia A Estrada

O servizo vai dirixido a menores de entre 3 e 12 anos.

 

A concelleira de Benestar Social, Educación e Igualdade, Amalia Goldar, comunica que aínda hai prazas dispoñibles, das 45 que se ofertan, para beneficiarse dos servizos aportados polo Espazo Concilia A Estrada, dirixido a menores de entre 3 e 12 anos. Os interesados deberán facer unha pre-inscrición no Departamento de Servizos Sociais, sito na planta baixa do Consistorio, en horario de luns a venres de 09.00 a 14.00 horas ou a través do teléfono 986 573 265.

 

Este servizo levarase a cabo nas instalacións do Novo Mercado. Durante o curso escolar funcionará de luns a venres en horario de 15.30 a 20.30 horas e os sábados de 08.30 a 13.30 horas. Mentres, os días non lectivos abrirá de luns a venres de 08.00 a 14.00 e os sábados no mesmo horario. Os prezos que deberán pagar oscilarán entre os 0 e os 100 euros ao mes, fixados en función dos ingresos e da situación familiar. Tamén haberá diversos descontos como os aplicables a familias numerosas, pola asistencia de máis dun fillo o para as familias monoparentais.

 

 

 

 

  Concello da Estrada
Praza do Concello s/n
36680 A Estrada - Pontevedra
Telf: 986570165
info@aestrada.gal
- Política de privacidad
- Aviso legal
Conforme con:
HTML5 | CSS 3.0
face1
twitter1
inst1
youtub1