O pasado 3 de maio, publicáronse no DOG as bases reguladoras e convocatoria, en réxime de concorrencia competitiva, de subvencións para ampliar e diversificar a oferta cultural en áreas non urbanas Territorio Cultura ao abeiro dos fondos NextGenerationEU e o Mecanismo de recuperación y resiliencia del Reglamento (UE) 2021/241 para o ano 2022.

O compoñente 24 “Revalorización de la industria cultural” do PRTR, recolle reformas e investimentos orientados a fortalecer a cadea de valor das industrias culturais españolas promovendo tres eixos estratéxicos: a competitividade, a dinamización e cohexión do territorio, e a dixitalización e sostibilidade dos grandes servizos culturais. En concreto, o investimento I2: “Dinamización de la cultura a lo largo del territorio” inclúe actuacións para proxectos de axudas para ampliar e diversificar a oferta cultural en áreas non urbanas.

Neste senso, o Concello da Estrada presentou un proxecto “Un cómico na aldea” cuxa finalidade é iniciar un proceso de distribución cultural polo rural estradense, estimulando a convivencia comunitaria, achegando o feito cultural ás nosas aldeas e revitalizando os locais sociais das distintas parroquias con procesos culturais de carácter contemporáneo.

O dito proxecto foi beneficiario dunha subvención cuxa resolución se adxunta a continuación, e desenvólvese en dúas anualidades 2022 e 2023. Trátase dun proxecto multidisciplinar cun total de 40 iniciativas artísticas que abranguen desde o novo circo, ata a narrración oral, pasando pola maxia, o mimo e o teatro, segundo a programación anunciada no apartado de Cultura da páxina web municipal, seguindo este enlace:

https://www.aestrada.gal/index.php/es/cultura-2/un-comico-na-aldea-2022

Para consultar a resolución prema aquí.

"No marco do programa Europa para los ciudadanos da Axencia executiva nos ámbitos educativo, audiovisual e cultural (EACEA nas súas siglas en inglés) , o concello da Estrada organizou un proxecto de irmandade con cinco países da UE: Eslovaquia, Portugal, Hungría, Bulgaria e Italia. O proxecto tivo lugar entre o 11 e 17 do pasado mes de marzo coa finalidade de fomentar a cooperación entre os participantes en distintas áreas comercial e cultural.

 Descargar traducción.